Ef ágreiningur kemur upp um hvor foreldrið eigi að fara með forsjá barns er rétt að leita til sýslumanns og hefja forsjármál.

Ef foreldrar eru ekki sammála hjá sýslumanni um hvernig forsjá barnsins skuli háttað, er málinu vísað í sáttameðferð hjá sáttamiðlara á vegum sýslumanns. Þar fá foreldrar aðstoð við að leysa úr ágreiningi um forsjá og önnur atriði sem deilt er um. Markmiðið er að hjálpa foreldrum að komast að samkomulagi sem er barninu fyrir bestu. Það er mikilvægt að báðir foreldrar leggi sitt af mörkum svo samkomulag náist þeirra á milli.

Ef foreldrar ná ekki samkomulagi í sáttameðferð, er gefið út vottorð um að sáttameðferðin hafi verið árangurslaus. Þá er hægt að bera málið undir dómstóla í svokölluðu forsjármáli innan sex mánaða frá útgáfu vottorðsins.

Forsjármál hefjast með útgáfu stefnu, sem síðan er þingfest í héraðsdómi. Á þeim tímapunkti má segja að dómsmál sé hafið. Forsjármál taka yfirleitt nokkra mánuði fyrir dómstólum. Dómara ber skylda til að reyna að ná sáttum með foreldrum áður en hann tekur ákvörðun í málinu.

Af framansögðu leiðir að það er gerð rík krafa fyrir foreldra að reyna sættir í slíkum málum. Það er mikilvægt að hafa í huga að í öllu ferlinu að hagsmunir barnsins eða barnanna eiga ávallt að vera sett í forgang. Því er mikilvægt að foreldrar reyni að vinna saman að lausnum sem stuðla að velferð barnsins. Eins og sagt er, „Það þarf heilt þorp til að ala upp barn,“ og í þessu tilfelli er það þorpið sem vinnur saman að því að tryggja barninu bestu mögulegu framtíð.

Þurfir þú ráðgjöf eða aðstoð í forsjármáli getur þú haft samband hér.

Elísabet Pétursdóttir

Lögmaður hjá Lögfræðiþjónustu Hafnarfjarðar

See Full Bio