Elísabet Pétursdóttir er lögmaður og eigandi lögmannsstofunnar. Hún er fædd og uppalin í Hafnarfirði þar sem hún sótti leikskóla, grunnskóla og framhaldsskóla. Elísabet var einnig virk í íþróttastarfi með FH á sínum yngri árum. Að loknu stúdentsprófi hóf hún nám við lagadeild Háskóla Íslands og útskrifaðist þaðan sem lögfræðingur.

Elísabet starfaði um tæplega tíu ára skeið sem lögfræðingur í mennta- og menningarmálaráðuneytinu, síðar mennta- og barnamálaráðuneytinu, þar sem hún sérhæfði sig m.a. í stjórnsýslurétti, réttindum barna og málum tengdum menntakerfinu.

Hún hefur verið skipuð í fjölmargar nefndir á vegum Stjórnarráðsins, þar á meðal um:

• réttindi barna
• upplýsinga- og tjáningarfrelsi
• skólamál og menntakerfi

Elísabet hefur haldið fjölda fyrirlestra um m.a. réttindi barna, erfðamál, sáttamiðlun, og fjölskyldurétt. Þá hefur hún lokið námskeiði í sáttamiðlun, sem nýtist vel við lausn fjölskyldumála, skilnaðarmála og annarra viðkvæmra mála.

Elísabet sinnir m.a. eftirfarandi málaflokkum:

• forsjármál og umgengni barna
• skilnaðarmál og fjárskipti
• erfðamál og skipti dánarbúa
• barnavernd og faðernismál
• stjórnsýsluréttur og kvartanir til umboðsmanns
• sakamál og réttargæsla

---

Framkvæmdastjóri

Sigmundur Ingi Sigurðsson, lögfræðingur og framkvæmdastjóri stofunnar, er einnig fæddur og uppalinn í Hafnarfirði. Hann stundaði íþróttir með Haukum og gekk í grunnskóla í bænum áður en hann hóf nám í Menntaskólanum í Reykjavík.

Sigmundur útskrifaðist sem lögfræðingur frá Háskóla Íslands og hefur jafnframt lokið meistaranámi (MS) í verkefnastjórnun frá viðskiptafræðideild Háskóla Íslands. Hann er D-vottaður verkefnastjóri með fjölbreytta reynslu úr íslensku atvinnulífi og opinberri stjórnsýslu.

---

Ef þú ert að leita að traustum lögmanni í Hafnarfirði með djúpa innsýn í réttindi barna, fjölskyldumál, stjórnsýslu eða erfðamál, þá veitum við þér þjónustu.

Hafðu samband.